COMHAIRLE CHONTAE CILL CHAINNIGH

COMHAIRLE CHONTAE CHILL CHAINNIGH

Ráiteas Tionchair Timpeallachta i leith

Síneadh Cuarbhóthar Thuaidh Chill Chainnigh - (An Bóthar Úr go Bóthar Chaisleán an Chomair)

Alt 51 d’Acht na mBóithre, 1993

Na hAchtanna um Pleanáil agus Forbairt 2000 – 2013.

Rialacháin um Pleanáil agus Forbairt, 2000 – 2013.

Tugann Comhairle Contae Chill Chainnigh leis seo de réir Alt 51 d’Acht na mBóithre, 1993, Alt 215 den Acht um Pleanáil agus Forbairt 2000 arna leasú leis an Acht um Pleanáil agus Forbairt (Bonneagar Straitéiseach) 2006 fógra go bhfuil sé beartaithe aici ceadú an Bhoird a lorg. Pleanáil don fhorbairt thuas.

Tá sé beartaithe ag Comhairle Contae Chill Chainnigh síneadh a chur le Cuarbhóthar Chathair Chill Chainnigh idir an N77 Bóthar Chaisleán an Chomair agus Bóthar Úr an R693 ar a dtabharfar Síneadh Cuarbhóthar Thuaidh Chill Chainnigh.

Is cuspóir Bóithre í an fhorbairt a bheartaítear i bPlean Forbartha Chathair Chill Chainnigh agus a Purláin 2008-2014. Luaitear sa Phlean Forbartha seo ‘Líne bheartaithe sheachbhóthar thiar na cathrach ó Bhóthar Chaisleán an Chomair go Bóthar Challainn, lena n-áirítear trasbhealach abhann, a chur in áirithe saor ó fhorbairt. Seasann an scéim atá molta faoin iarratas seo do Chéim 1 de sheachbhóthar an iarthair.

Áirítear iad seo a leanas ar phríomhchuspóirí Shíneadh Cuarbhóthar Thuaidh Chill Chainnigh atá molta:

• An brú tráchta a laghdú i Lár na Cathrach agus i nDroichead na Faiche.
• An Scéim Rochtana Lárnach atá beartaithe a chomhlánú.
• Líon na bhfeithiclí earraí troma laistigh de Chathair Chill Chainnigh a laghdú.
• Síneadh a sholáthar do Chuarbhóthar an N77 a nascann Bóthar Achadh Úr agus iarthuaisceart na Cathrach leis an gCuarbhóthar atá ann cheana féin.
• An Líonra Bóithre Straitéiseach a fhorbairt tuilleadh don réigiún, ag nascadh an M9 leis an M8 trí Chuarbhóthar Chill Chainnigh. Soláthraíonn an Scéim nasc iontaofa, sábháilte agus éifeachtach idir an M9 agus oirthear agus oirdheisceart na tíre agus an M8 ag Áth na nUrlainn agus thuaidh agus iarthuaisceart na tíre.
• Cur chun cinn siúlóide agus rothaíochta a éascú.
• Sábháilteacht agus áisiúlacht tráchta a fheabhsú.

Tá príomhchodanna na scéime molta liostaithe thíos:

a) Timpeall 1.5 km de charrbhealach singil a sholáthar.

b) Timpeallán a thógáil ar an R693 idir Ospidéal Aut Even agus Bóthar Thornback LS6600.

c) Iarfheistiú Timpeallán Bhóthar Chaisleán an Chomair an N77 chun éascú leis an gceathrú géag chun an bóthar a bheartaítear a nascadh.

d) Soláthar cosán 1.8m ar leithead agus raon rothar easbhóthair 1.75m ar leithead feadh thaobh na cathrach den bhóthar a bheartaítear.

e) Tógáil struchtúr droichid trí réise thar an Fheoir le réise láir 45m agus réisí imeall 22.5m an ceann, tacaithe ag teanntaí ag gach ceann díobh.

f) Tá soláthar 16 uimh. lintéir feadh tuilemhá na Feoire ar an taobh thiar de Bhóthar na Bleach, comhdhéanta de 13 Uimh. lintéir áirse 10m ar leithead x 3.6m ar airde agus 3 uimhir. lintéir bhosca 10m ar leithead x 4.5m ar airde.

g) Nuair a thógfar íosbhealach do Bhóthar Bleach faoin mbóthar atá beartaithe, déanfaidh an íosbhealach freastal ar ghluaiseacht carranna, coisithe agus rothaithe.

h) Tá soláthar 4uimh. lintéir bhosca soir ó Bhóthar Bleach chun freastal ar íosbhealaí feirme agus chun ligean do ghluaiseacht uisce i gcás tuilte.

i) seomraí éagsúla agus oibreacha duchtaithe le déanamh ag láithreacha éagsúla laistigh den láithreán le húsáid ag na hÚdaráis, Fóntais agus Soláthraithe Seirbhíse agus Seirbhísí Fóntas Príobháideach agus a leithéid;

j) oibreacha éagsúla tírdhreacha, comhshaoil ​​agus maolaithe;

k) oibreacha draenála éagsúla agus éalaithe draenála gaolmhara;

l) córais éagsúla fálú agus bacainní sábháilteachta feithiclí/coisithe;

m) oibreacha éagsúla sínithe agus soilsithe;

n) créfoirt éagsúla;

o) oibreacha cóiríochta éagsúla lena n-áirítear rochtain ar réadmhaoine agus tailte; agus

p) oibreacha coimhdeacha éagsúla.

Déanfaidh an Chomhairle iarratas chuig an mBord Pleanála chun an fhorbairt bóthair atá beartaithe a cheadú faoi Alt 51 d’Acht na mBóithre 1993 (arna leasú ag na hAchtanna um Pleanáil agus Forbairt 2000 go 2013).

Is féidir cóip den Ráiteas Tionchair Timpeallachta a iniúchadh saor in aisce ó Dé hAoine 13^th Nollaig, 2013 chun Dé Luain, 24^th Feabhra, 2014 san áireamh (seachas Laethanta Saoire Bainc) ag na láithreacha seo a leanas;

• Comhairle Contae Chill Chainnigh, Halla an Chontae, Sráid Eoin, Cill Chainnigh - idir na huaireanta 9.00am go 1.00pm & 2.00pm go 5.00pm Luan go hAoine.
  
• Leabharlann Carnegie, Cé Eoin, Cathair Chill Chainnigh. – idir na huaireanta 10.00rn go 1.00in & 2.00in go 8.00in Dé Máirt & Dé Céadaoin, 10.00rn go 1.00in & 2.00in go 5.00in Déardaoin & Dé hAoine agus 10.00rn go 1.30in Satharn.

Is féidir cóip den Ráiteas Tionchair Timpeallachta iomlán a cheannach ar tháille €300 in Oifig Chomhairle Contae Chill Chainnigh, Foirgnimh an Chontae, Sráid Eoin, Cill Chainnigh. Is féidir cóip den achoimre neamhtheicniúil ar an Ráiteas Tionchair Timpeallachta a cheannach ar tháille €10. Tá an Ráiteas Tionchair Timpeallachta iomlán ar fáil ar CD ar tháille €10 agus is féidir é a íoslódáil saor in aisce ag
http://www.kilkennycoco.ie/Northern-Ring-EIS

Is féidir le duine ar bith laistigh den tréimhse ó Dé hAoine 13^th Nollaig, 2013 go dtí Dé Luain, 24^th Feabhra, 2014 san áireamh, ar íocaíocht na táille forordaithe de €50, aighneacht/tuairim i scríbhinn a dhéanamh chuig An Bord Pleanála, Rannóg um Fhorbairtí Bonneagair Straitéisigh, 64 Sráid Maoilbhríde, Baile Átha Cliath 1, maidir le

i. Impleachtaí na forbartha beartaithe do phleanáil chuí agus d’fhorbairt inbhuanaithe sa limistéar lena mbaineann, agus

ii. na héifeachtaí dóchúla a bheidh ag an bhforbairt bóthair atá beartaithe ar an gcomhshaol

Má dhéantar é.

Beidh gá le hordú ceannaigh éigeantaigh maidir leis an bhforbairt bóthair atá beartaithe agus má dhéantar agóidí i scríbhinn, féadfar éisteacht ó bhéal a thionól.

Féadfaidh an Bord éisteacht ó bhéal a thionól maidir le héifeachtaí dóchúla an togra. Féadfar fianaise maidir leis na héifeachtaí dóchúla ar an gcomhshaol a thabhairt ag an éisteacht ó bhéal. Sula ndéanfaidh sé cinneadh ar an iarratas ar fhormheas, ní mór don Bhord an ráiteas tionchair timpeallachta, aon aighneachtaí scríofa a dhéantar ina leith agus nár tarraingíodh siar a mheas agus, i gcás ina reáchtálfar éisteacht ó bhéal, an tuarascáil agus aon mholtaí ón gcigire a bheidh ag reáchtáil na héisteachta ó bhéal i gcás ina mbeidh fianaise ann. i ndáil leis na héifeachtaí dóchúla a bheidh ag an togra ar an gcomhshaol. Tabharfar fógra poiblí faoi aon éisteacht ó bhéal níos déanaí. Féadfaidh an Bord, le hordú, forbairt bheartaithe bóthair a cheadú fara modhnuithe nó d’éagmais nó féadfaidh sé diúltú d’fhorbairt den sórt sin a cheadú.

Is féidir tuilleadh eolais a fháil ón Roinn Dearaidh Bóithre, Sráid an Déin, Cill Chainnigh. Teileafón 056-7794300

Seán Ó Maoláin

Stiúrthóir Seirbhísí

Bóithre, Seirbhísí Éigeandála agus Gnóthaí Corparáideacha

Dáta, 11^th Nollaig 2013.