Athruithe 2 agus 4 ar Phleananna Forbartha Chill Chainnigh

Fógra maidir le hAthruithe a Dhéanamh Uimh. 2 ar Phlean Forbartha Contae Chill Chainnigh agus Uimh. 4 ar Phlean Forbartha Chathair agus Phurláin Chill Chainnigh 2014-2020

De réir Alt 13(8) de na hAchtanna um Pleanáil agus Forbairt 2000-2017, tugtar fógra leis seo, ag cruinniú de Chomhairle Contae Chill Chainnigh Dé Luain an 23 Deireadh Fómhair 2017, gur bheartaigh Comhairle Contae Chill Chainnigh dhá Athrú a dhéanamh mar a leanas:

- Athrú Uimh. 2 ar Phlean Forbartha Contae Chill Chainnigh
- Athrú Uimh. 4 ar Phlean Forbartha Chathair agus Phurláin Chill Chainnigh

Tá na hAthruithe seo chun forálacha Tobhaigh na Láithreán Folmha san Acht um Athghiniúint Uirbeach agus Tithíocht 2015 a léiriú.

Is féidir cóip den Phlean Forbartha Cathrach agus Purláin, agus an Plean Forbartha Contae, mar a leasaíodh, a scrúdú ar an suíomh Gréasáin seo agus ag an Rannóg Pleanála, Halla an Chontae, Sráid Eoin, Cill Chainnigh.

Sean McKeown
Stiúrthóir Seirbhísí

31st Deireadh Fómhair 2017

Ábhar Cartlainne

Athrú Molta Uimh. 2 ar Phlean Forbartha Contae Chill Chainnigh agus Athrú Molta Uimh. 4 ar Phlean Forbartha Chathair agus Phurláin Chill Chainnigh

De réir Alt 13(3) de na hAchtanna um Pleanáil agus Forbairt 2000-2017, tugtar fógra leis seo go bhfuil sé beartaithe ag Comhairle Contae Chill Chainnigh Plean Forbartha Contae Chill Chainnigh agus an Plean Forbartha Cathrach agus Purláin 2014-2020 a athrú.

Molann na hAthruithe seo:

Cuspóir éigeantach leasaithe (Cuspóir 3A) a ionchorprú laistigh den chroístraitéis maidir le hathghiniúint agus athúsáid láithreán folmha agus éascóidh sé feidhmiú gníomhartha reachtaíochta chun aghaidh a thabhairt ar láithreáin neamhfhorbartha i gContae Chill Chainnigh. Dhéanfadh na héagsúlachtaí molta, mar sin, foráil do ‘Bainistíocht ghníomhach talún’ trí thobhach ar láithreáin fholmha a chur i bhfeidhm.

Is féidir cóip de na hAthruithe Beartaithe, lena n-áirítear tuarascáil Scagtha Measúnacht Straitéiseach Timpeallachta (SEA) agus Tuarascáil Scagthástála Mheasúnaithe Chuí (AA), a iniúchadh ag na láithreacha seo a leanas ar feadh tréimhse 4 seachtaine ó 15 Meán Fómhair go 13 Deireadh Fómhair 2017.

- Ar líne ag http://consult.kilkenny.ie/
- An Roinn Pleanála, Comhairle Contae Chill Chainnigh, Sráid Eoin, Cill Chainnigh le linn uaireanta oscailte oifige 9rn go 1in agus 2in go 4in Luan go hAoine.
- Leabharlann Carnegie, Cé Eoin, Cill Chainnigh le linn uaireanta oscailte: Dé Máirt agus Dé Céadaoin 10am go 1pm agus 2pm go 5pm, Déardaoin agus Dé hAoine 10am go 1pm agus 2pm go 5pm, agus Dé Sathairn 10am go 1:30pm.

Cuirfear san áireamh aighneachtaí i scríbhinn nó tuairimí maidir leis na hAthruithe atá molta, agus na Tuarascálacha Scagtha SEA agus AA a tugadh don Údarás Pleanála laistigh den tréimhse seo sula ndéanfar an Athrú. Ba cheart gach aighneacht a mharcáil go soiléir mar ‘Athrú Uimh. 2’ (Contae) nó ‘Athrú Uimh. 4 (Cathair. Is féidir aighneachtaí a dhéanamh ar líne ag http://consult.kilkenny.ie, nó seolta ar ríomhphost chuig ár bplean@kilkennycoco.ie nó seolta i scríbhinn chuig an Stiúrthóir Pleanála Seirbhísí, Comhairle Contae Chill Chainnigh, Sráid Eoin, Cill Chainnigh.

Tabhair do d’aire, le do thoil, go gcuirfear gach aighneacht ar fáil don phobal lena fheiceáil ar shuíomh Gréasáin comhairliúcháin na Comhairle.
Ní mór aighneachtaí a bheith faighte ag an Údarás Pleanála faoi 5pm ar 13 Deireadh Fómhair 2017.

Mary Mulholland,
Stiúrthóir Seirbhísí,
An Roinn Pleanála
15th Meán Fómhair 2017