Comhairle Contae Chill Chainnigh
Ó Cuilinn ag oscailt Stáisiún Dóiteáin nua €600,000 i gCallainn, Márta 2004
An tAire Ó Cuilinn ag nochtadh plaic chomórtha d’oscailt Stáisiún Dóiteáin Challainn. (Clé go Deas) An Comhairleoir Tom Maher, An tAth. Willie Dalton, John McGuinness TD,Liam Aylward TD Aire Sóisearach, Martin Cullen TD Aire, Bobby Aylward Cathaoirleach na Comhairle Contae, Michael Malone Bainisteoir Contae, Tom Gunning Stiúrthóir Seirbhísí, Ciarán Cormican Príomhoifigeach Dóiteáin
D’oscail an tUasal Martin Cullen, TD, an tAire Comhshaoil, Oidhreachta agus Rialtais Áitiúil inniu (26 Márta) an stáisiún dóiteáin nua i gCallainn, Co. Chill Chainnigh. Críochnaíodh an stáisiún nua dhá bhá ar chostas €600,000 agus tá sé á mhaoiniú ag Roinn an Aire mar chuid d'infheistíocht leanúnach an Stáit i mbonneagar seirbhísí dóiteáin go náisiúnta.
Dúirt an tAire gur tháinig méadú suntasach ar an leibhéal infheistíochta caipitil sa tseirbhís dóiteáin sa tréimhse 1998 - 2003 agus breis agus €85 milliún á sholáthar i ndeontais do na húdaráis áitiúla dóiteáin, níos mó ná mar a soláthraíodh sna 13 bliana roimhe sin. Cinnteoidh leithdháileadh 2004 de €19 milliún go ndéanfar an tseirbhís dóiteáin a fhorbairt agus a nuachóiriú go leanúnach agus cuideoidh sé lena chlár bonneagair a bhrostú.
An tAire Ó Cuilinn á chur in aithne do Gharda Onóra Briogáid Dóiteáin Challainn
"Tá Comhairle Contae Chill Chainnigh tar éis leas díreach a bhaint as an infheistíocht mhéadaithe seo sa tseirbhís dóiteáin le blianta beaga anuas." Dúirt an tAire freisin, “Ó 1998 i leith d’eisigh mo Roinn cead don Chomhairle trí ghléas nua dóiteáin agus tairiscint éigeandála nua a cheannach ar chostas €1 milliún (timpeall). oibreacha feabhsúcháin ar Stáisiún Dóiteáin Chill Chainnigh ar chostas thart ar €40,000."
Aíonna ag an oscailt oifigiúil
Thug an tAire ómós freisin do thiomantas phearsanra na seirbhíse dóiteáin, ar fud na tíre, atá ann dúinn in aimsir ghéarchéime, ag freagairt d’éigeandálaí. Thagair sé freisin don ról méadaithe atá acu, áit a bhfuil orthu anois, i dteannta lena ndualgais thraidisiúnta um chomhrac dóiteáin, déileáil le héigeandálaí éagsúla ó thimpistí bóthair go teagmhais a bhaineann le ceimiceáin chontúirteacha, truailliú agus tuilte, etc.
Mar fhocal scoir, rinne an tAire comhghairdeas le gach duine a bhaineann le soláthar an stáisiúin dóiteáin nua i gCallainn agus ghuigh sé gach rath ar an bpearsanra a bheidh ag obair uaidh amach anseo.
