Comhairle Contae Chill Chainnigh
Forbairt Molta - Tithíocht ag an Sean-Ionad Pobail, An Loch Buí, Cathair Chill Chainnigh
Scartáil an Ionaid Phobail as úsáid atá ann cheana féin, Cúirt an Labhrais, An Loch Buí, Cill Chainnigh R95 HF85 agus forbairt an láithreáin le 2 uimh. tithe leathscoite aon stóir 2 sheomra leapa le gairdíní, agus na hoibreacha forbartha láithreáin go léir a bhaineann leo
An tAcht um Pleanáil agus Forbairt 2000 arna leasú
Rialacháin um Pleanáil agus Forbairt 2001 arna leasú
FÓGRA MAIDIR LE FORBAIRT BEARTAITHE AG ÚDARÁS ÁITIÚIL
Alt 179 de na hAchtanna um Pleanáil agus Forbairt 2000-2016 Cuid 8 de na Rialacháin um Pleanáil agus Forbairt 2001-2017
Tithíocht ag An Loch Buí, Cill Chainnigh (Láithreán an tSean-Ionad Pobail)
De réir Chuid 8, Airteagal 81 de na Rialacháin thuas, tugann Comhairle Contae Chill Chainnigh leis seo fógra faoi thograí a bhaineann leis an bhforbairt seo a leanas:
Scartáil an Ionaid Phobail as úsáid atá ann cheana féin, Cúirt an Labhrais, An Loch Buí, Cill Chainnigh R95 HF85 agus forbairt an láithreáin le 2 uimh. tithe leathscoite aon stóir 2 sheomra leapa le gairdíní, agus na hoibreacha forbartha láithreáin go léir a bhaineann leo.
Beidh pleananna agus sonraí na forbartha beartaithe ar fáil lena n-iniúchadh nó le ceannach ar tháille nach mó ná an costas réasúnach a bhaineann le cóip a dhéanamh le linn uaireanta oifige ó 8 Iúil 2022 go dtí an 5ú Lúnasa 2022 san áireamh, ag: -
An Cheantar | Uaireanta oscailte |
An Roinn Pleanála, Comhairle Contae Chill Chainnigh, Halla an Chontae, Sráid Eoin, Cathair Chill Chainnigh. | Ó 9am go 1pm & 2pm go 5pm Luan go hAoine (Seachas Laethanta Saoire Poiblí) |
Leabharlann Loch Buí, Ionad Siopadóireachta an Locha Buí, Bóthar Phort Láirge, Cathair Chill Chainnigh. | Dé Máirt, Dé Céadaoin, Déardaoin 10am – 1pm, 2pm-5pm. Dé hAoine 10am-1pm, 2pm-5pm, 6pm-8pm. |
Is féidir sonraí na forbartha a bheartaítear a fheiceáil ag https://consult.kilkenny.ie/
Féadfar aighneachtaí nó tuairimí maidir leis an bhforbairt bheartaithe, a dhéileálann le pleanáil chuí agus forbairt inbhuanaithe an limistéir ina ndéanfar an fhorbairt, a dhéanamh:
- Ar líne ag https://consult.kilkenny.ie/,
- i scríbhinn chuig an Rannóg Pleanála, Comhairle Contae Chill Chainnigh, Halla an Chontae, Sráid Eoin, Cill Chainnigh nó trí ríomhphost: pleanáil@kilkennycoco.ie
- Nó a sheoladh chuig an seoladh r-phoist seo a leanas tithíochtpart8@kilkennycoco.ie
Is é an dáta is déanaí chun tuairimí a fháil faoin scéim thuas 5pm Dé hAoine 19ú Lúnasa 2022. Ba cheart aighneachtaí a mharcáil go soiléir “Tithíocht ag An Loch Buí, Cill Chainnigh (Láithreán an tSean-Ionad Pobail) – Aighneacht Pleanála Chuid 8”
De réir cheanglais Airteagal 120(1)(a) de na Rialacháin um Pleanáil agus Forbairt 2001 (arna leasú) tá réamhscrúdú déanta ag an údarás Pleanála ar nádúr, méid agus suíomh na forbartha a bheartaítear. Chinn an t-údarás nach bhfuil fíordhóchúlacht ann go mbeidh tionchar suntasach ar an gcomhshaol ag eascairt as an bhforbairt a bheartaítear agus tá cinneadh déanta nach bhfuil Measúnú Tionchair Timpeallachta (MTT) ag teastáil.
De réir Airteagal 120(3) de na Rialacháin um Pleanáil agus Forbairt 2001 (arna leasú), i gcás go measann duine ar bith gur dócha go mbeadh tionchar suntasach ag an bhforbairt a bheartaítear a dhéanamh ar an gcomhshaol, féadfaidh sé nó sí, aon tráth. roimh dheireadh 4 seachtaine dar tosach dáta foilsithe an fhógra seo iarratas a dhéanamh chuig an mBord Pleanála ar chinneadh scagthástála i dtaobh an dóigh go mbeadh tionchar suntasach ag an bhforbairt ar an gcomhshaol.
Sínithe: Mary Mulholland, Stiúrthóir Seirbhísí, Comhairle Contae Chill Chainnigh
