Tá scoileanna áitiúla, daltaí agus Comhairle Contae Chill Chainnigh ag obair le chéile chun criosanna scoile sábháilte a chruthú i gCill Chainnigh!

April O'Keeffe agus Daid	Ag baint suilt as an siúlóid chun na scoile

Is féidir le daltaí a fhilleann ar scoil i St Canice’s agus Loreto tar éis an tsosa lár téarma, bheith ag tnúth le timpeallacht thaitneamhach lasmuigh de gheataí na scoile. Is fadhb ainsealach ar fud na hÉireann é an plódú tráchta os comhair na scoile. Le déanaí d'fhreagair 200 príomhoide scoile do shuirbhé náisiúnta, ag aithint páirceáil feithiclí agus brú tráchta anuas ó fheithiclí mar an príomhdhúshlán maidir le fadú sóisialta os comhair a scoile. Léirigh suirbhéanna a rinneadh sa dá scoil i gCill Chainnigh freisin an easpa sábháilteachta do dhaltaí mar gheall ar líon na ngluaisteán a thit amach ag geataí na scoile. Tá sár-iarracht déanta ó thuismitheoirí agus ó scoláirí chun an brú tráchta ag bealaí isteach a laghdú. Chuidigh Cumann Talmhaíochta Chill Chainnigh go mór leis seo a cheadaigh a gcuid tailte in aice láimhe a úsáid mar áis Páirceála agus Coisíochta. Ní hamháin gur éirigh leis seo na gluaisteáin a bhaint de gheataí na scoile, chuidigh sé le scoláirí a chónaíonn níos faide ar shiúl an chuid dheireanach dá dturas ar scoil a shiúl. Cuirfear tuilleadh feabhais ar an comaitéireacht seo trí mullaird a shuiteáil chun lánaí rothar a chosaint timpeall an dá scoil agus chun spás breise a chur ar fáil do na cosáin. 

Deir Caitríona Corr, Oifigeach Rothaíochta le Comhairle Contae Chill Chainnigh

"Cinnteoidh suiteáil na mbacainní sealadacha go mbeidh na lánaí rothar saor ó ghluaisteáin agus nach gcuirfear leanaí amach ar an gcarrbhealach agus iad ag iarraidh gluaisteáin pháirceáilte a sheachaint. Cabhróidh siad freisin le trácht a mhaolú ar an dá bhealach agus cuirfidh siad timpeallacht rothaíochta níos sábháilte ar fáil do leanaí. Tuigimid go mbeidh ar thuismitheoirí áirithe úsáid a bhaint as a gcarranna chun a bpáistí a scaoileadh ar scoil ach iarraimid orthu an Pháirc agus an tSiúlóid a úsáid nó titim amach ón scoil in ionad geataí na scoile a bhlocáil.”

Laghdaíonn siúl, rothaíocht nó scútáil chun na scoile an brú tráchta don phobal ar fad agus tá na buntáistí i bhfad i gcéin. Cruthaíonn an laghdú ar thrácht agus ar fheithiclí réchasta aer níos glaine do na scamhóga óga agus timpeallacht níos taitneamhaí do chách. Cinntíonn taisteal gníomhach chun na scoile tús níos gile don lá do dhaltaí agus deiseanna breise aclaíochta lasmuigh, i gcuideachta do chairde scoile.

Ag trácht ar an tionscnamh, dúirt Méara Chill Chainnigh, an Clr. Dúirt John Coonan: 

"Tá lúcháir orm go bhfuil bearta ar nós criosanna scoile sábháilte á gcur i bhfeidhm ag Comhairle Contae Chill Chainnigh ar mhaithe le sábháilteacht leanaí a théann isteach inár gcuid scoileanna. Fágann líon mór tráchta lasmuigh de gheataí na scoile nach mbíonn rochtain shábháilte ag leanaí ar an scoil agus go mbíonn orthu bogadh thart ar fheithiclí páirceáilte agus iompú chun dul isteach ar thailte na scoile.. "

Dúirt Ian Gardner, Innealtóir Cathrach le Comhairle Contae Chill Chainnigh

“Tá an Plean Iompair Áitiúil á ullmhú faoi láthair agus beimid ag féachaint le dearaí den chaighdeán is airde a ullmhú chun ár sprioc a bhaint amach maidir le cineálacha iompair inbhuanaithe a chur chun cinn i gCathair Chill Chainnigh agus sa Phurláin..  Idir an dá linn, táimid ag leanúint ar aghaidh ag obair le scoileanna ar Chriosanna Scoile Sábháilte agus tá an bonneagar sealadach seo á chur i bhfeidhm againn chun turais níos sábháilte a éascú do leanaí agus do dhaoine óga.”