Thug an tAire Tithíochta, Pleanála agus Rialtais Áitiúil, an Teachta Eoghan Murphy, TD, cuairt ar Chill Chainnigh Déardaoin 1 Lúnasa agus thapaigh sé an deis cuairt a thabhairt ar chuid de shuíomhanna forbartha tithíochta Chill Chainnigh.

Ag baint leasa as na tacaíochtaí éagsúla atá ar fáil faoi Chlár Rebuilding Ireland de chuid an Rialtais, sheachaid Comhairle Contae Chill Chainnigh níos mó ná 200 teach nua sa Chontae in 2018 agus soláthróidh sí breis agus 250 aonad tithíochta sóisialta breise in 2019. Cuirtear na tithe seo ar fáil trí thógáil, éadáil agus scéimeanna léasaithe i gcomhar le Comhlachtaí Ceadaithe Tithíochta agus Tógálaithe.

Thug an tAire Murphy cuairt ar dhá shuíomh tógála i gCathair Chill Chainnigh ag Bóthar Nuncio agus Sráid Walkin áit a bhfuil tithe nua á bhforbairt ag Comhlachtaí Ceadaithe Tithíochta, Respond agus Oaklee, i gcomhar le Comhairle Contae Chill Chainnigh trí úsáid a bhaint as sruthanna maoinithe a cuireadh ar fáil faoi Rebuilding Ireland. Nuair a bheidh an dá scéim críochnaithe cuirfidh siad 77 teach nua ar fad ar fáil do Chathair Chill Chainnigh.

Cathaoirleach, An Clr. D’admhaigh Peter ‘Chap’ Cleere agus é ag breathnú ar na láithreáin tógála feidhmíocht láidir Chill Chainnigh i soláthar tithíochta, ag rá “Cruthaíonn seachadadh tithíochta, bíodh sé príobháideach nó sóisialta, tógáil nua nó léas, réitigh tithíochta do dhaoine aonair agus do theaghlaigh a bhfuil gá acu leo, agus ní mór dúinn leanúint de réitigh nua agus éagsúla a sholáthar chun freastal ar an riachtanas sin ar fud an chontae.".

Is féidir ceisteanna maidir leis an bPreaseisiúint seo a chur chuig an Stiúrthóir Seirbhísí, Mary Mulholland, Fón 086 0629446, Ríomhphost mary.mulholland@kilkennycoco.ie