Sa ghrianghraf i mbun searmanas iompú na bhfód chun tús a chur le tógáil Pháirc Chomharsanachta Phort an Chalaidh a chomóradh tá an tAire Stáit don Rialtas Áitiúil agus Athchóiriú Toghcháin, an tUasal John Paul Phelan TD, agus, Cathaoirleach Chomhairle Contae Chill Chainnigh, an Comhairleoir Peter Cleere. I láthair freisin tá comhaltaí tofa Cheantar Bardasach Bhaile an Phoill, an Comhairleoir Tomas Breathnach, an Comhairleoir Eamon Aylward, an Comhairleoir Ger Frisby, agus an Comhairleoir Pat Dunphy, foireann Chomhairle Contae Chill Chainnigh agus Chomhairle Cathrach agus Contae Phort Láirge, an conraitheoir tionscadail Tom Beckett, agus ionadaithe ó eagraíochtaí pobail. i gceantar Phort an Chalaidh.

Tá an pháirc á cómhaoiniú ag an Roinn Tithíochta, Pleanála, agus Rialtais Áitiúil (50%), Comhairle Contae Chill Chainnigh (25%), agus Comhairle Cathrach agus Contae Phort Láirge (25%). Léiríonn an tionscadal léiriú praiticiúil ar an dá Údarás Áitiúil sa cheantar ag obair le chéile ar mhaithe le Port an Chalaidh, agus limistéar Chathair Phort Láirge i gcoitinne.

Cruthóidh tógáil na páirce saoráid thaitneamhachta lárnach a bhfuil géarghá léi do Phort an Chalaidh, a chuimseoidh clós súgartha do leanaí, bealach siúil, ionad cruinnithe do dhéagóirí agus páirc imeartha.

Chuir an tAire John Paul Phelan TD in iúl go raibh sé sásta nuair a cuireadh tús le tógáil na Páirce, agus thug sé faoi deara go háirithe na buntáistí iomadúla a thabharfaidh an áis taitneamhachta seo don daonra áitiúil.