Ar an 4 Nollaig, 2012, d’oscail Leabharlann Phort an Chalaidh a doirse don phobal áitiúil, agus le 10 mbliana anuas tá fócas lárnach curtha ar fáil aici do ghníomhaíochtaí pobail agus cultúrtha. Tá os cionn 23,000 mír sa leabharlann, lena n-áirítear leabhair fhicsin agus fhíorasacha do dhaoine fásta, bailiúchán do dhéagóirí, stoc leanaí, ábhair thagartha, dlúthdhioscaí ceoil, DVDanna agus tacair bhosca. Tá rochtain Wi-Fi ag an leabharlann chomh maith, chomh maith le 8 ríomhaire le haghaidh rochtain idirlín agus seirbhísí priontála.

Tá áit aimsithe ag grúpaí pobail áitiúla, scoileanna, áiseanna cúram leanaí, teaghlaigh agus cónaitheoirí nua ina leabharlann áitiúil le foghlaim, le hoibriú, le súgradh agus le roinnt. Chun na naisc phobail sin a choinneáil, chuir an leabharlann seirbhís seachadta leabhar ar fáil do dhaoine scothaosta ag cocún sa bhaile le linn dhúnadh Covid 19.

Ó athosclaíodh an leabharlann go hiomlán, tá gníomhaíochtaí pearsanta agus grúpaí ar ais, le grúpaí ceardaíochta rialta agus ciorcal Gaeilge, chomh maith le clubanna leabhar do pháistí agus do dhaoine fásta. Bíonn gearrchúrsaí agus ceardlanna aonuaire ar siúl i leabharlann Phort an Chalaidh freisin. I measc na ngníomhaíochtaí atá le teacht beidh oícheanta cluiche boird ar an gCéadaoin i mí na Nollag (5pm go 6.30pm) agus cúrsa scríbhneoireacht chruthaitheach agus cúrsa innill fuála do thosaitheoirí ag tosú go luath i mí Eanáir 2023.

Ar an Aoine 2 Nollaig beidh maidin chaife cheiliúrtha ag Leabharlann Phort an Chalaidh ó 10am go 1pm. Beidh ceol le Bobbie Carey ó 11rn agus sóláistí séasúracha.

Tá fáilte mhór romhat chuig an imeacht seo chun do chuid cuimhní cinn ó na 10 mbliana anuas a roinnt linn.