Comhairle Contae Chill Chainnigh
Plean Straitéiseach Chill Chainnigh do Thithíocht do Dhaoine faoi Mhíchumas -2016-2020
Forbraíodh an Straitéis Náisiúnta Tithíochta do Dhaoine faoi Mhíchumas 2011 - 2016, a foilsíodh in 2011, agus an Creat Forfheidhmithe Náisiúnta gaolmhar, ar comhfhoilseacháin iad ag an Roinn Comhshaoil, Pobail agus Rialtais Áitiúil agus an Roinn Sláinte mar chuid de creat comhleanúnach, i gcomhar le A Vision for Change (polasaí meabhairshláinte an Rialtais) agus Time to Move on from Congregated Settings (Tuarascáil an Ghrúpa Oibre ar Shuímh Chomhthionóil) chun tacú le daoine faoi mhíchumas i maireachtáil phobalbhunaithe leis an neamhspleáchas uasta agus rogha.
Is í fís na Straitéise ná rochtain a éascú, do dhaoine faoi mhíchumas, ar an raon cuí de sheirbhísí tacaíochta tithíochta agus gaolmhara, a sheachadtar ar bhealach comhtháite agus inbhuanaithe, a chuireann comhionannas deiseanna, rogha an duine aonair agus maireachtáil neamhspleách chun cinn.
Táthar ag súil leis an Straitéis agus aitheantas á thabhairt do na dúshláin gur cheart é seo a bhaint amach laistigh den timpeallacht tithíochta príomhshrutha. Is é príomhsprioc na Straitéise ná freastal ar na riachtanais tithíochta aitheanta atá ag daoine faoi mhíchumas go háitiúil cibé an bhfuil siad ina gcónaí sa phobal faoi láthair agus nó i suíomh comhchruinnithe.
Is iad na ceithre chatagóir míchumais dá dtagraítear sa Straitéis ná:
(a) míchumas céadfach
(b) míchumas meabhairshláinte
(c) míchumas coirp agus
(d) míchumas intleachta
Áirítear na haidhmeanna straitéiseacha seo a leanas sa Chreat Forfheidhmithe Náisiúnta
Forbróidh údaráis tithíochta straitéisí sonracha chun freastal ar na riachtanais tithíochta aitheanta atá ag daoine faoi mhíchumas fisiceach, intleachtúil, meabhairshláinte agus céadfach go háitiúil. Beidh na straitéisí seo bunaithe ar mheasúnuithe riachtanas tithíochta agus comhairliúchán foirmeálta níos leithne le gníomhaireachtaí reachtúla ábhartha, grúpaí úsáideoirí seirbhíse agus eagraíochtaí míchumais. Beidh na straitéisí seo mar chuid lárnach de Phleananna Seirbhísí Tithíochta na n-údarás áitiúil agus cuirfidh siad chun cinn agus tacóidh siad le soláthar cóiríochta do dhaoine faoi mhíchumas ag baint úsáide as gach meicníocht chuí soláthair tithíochta.
Ag teacht le forbairt sainstraitéisí tithíochta míchumais, breithneoidh údaráis tithíochta céatadáin áirithe aonad a chur in áirithe chun freastal ar riachtanas sainaitheanta laistigh de gach straitéis míchumais.
Tá sé i gceist go mbeidh an straitéis mar chuid lárnach de na Pleananna Seirbhísí Tithíochta agus go gcuirfidh sí chun cinn agus go dtacóidh sí le soláthar cóiríochta do dhaoine faoi mhíchumas ag baint úsáide as meicníochtaí soláthair tithíochta cuí. Tacóidh an straitéis seo le pleanáil straitéiseach níos fadtéarmaí freisin.
Tá sé mar aidhm ag an gcáipéis seo atá ullmhaithe ag an nGrúpa Stiúrtha Tithíochta agus Míchumais riachtanais na Straitéise a chomhlíonadh agus faisnéis a sholáthar don údarás áitiúil agus do sholáthraithe tithíochta eile a chabhróidh le soláthar tithíochta do dhaoine faoi mhíchumas a chur ar an eolas agus a threorú thar an gcéad uimhir eile. de bhlianta.
