An tAcht um Pleanáil agus Forbairt 2000 arna leasú

Rialacháin um Pleanáil agus Forbairt 2001 arna leasú

FÓGRA MAIDIR LE FORBAIRT BEARTAITHE AG ÚDARÁS ÁITIÚIL

Scéim Taistil Gníomhach Shráid an Droichid agus Lána na mBratach Callainn.

De réir fhorálacha Chuid XI den Acht um Pleanáil agus Forbairt 2000 arna leasú, agus Cuid VIII, Airteagal 81, de na Rialacháin um Pleanáil agus Forbairt 2001 arna leasú, tugann Comhairle Contae Chill Chainnigh leis seo fógra faoi thograí a bhaineann leis an bhforbairt seo a leanas:

Cuimsíonn an Tionscadal:

• an córas sealadach aontreo atá ann cheana féin ar Shráid an Droichid a dhéanamh buan;
• an treo sreafa d'fheithiclí ar Lána Keogh idir carrchlós KCAT agus Sráid an Droichid a aisiompú;
• an cosán agus an carrbhealach atá ar Shráid an Droichid a thiontú ina dhromchla pábháilte a bheidh le roinnt ag úsáideoirí soghonta bóithre (.i. úsáideoirí bóithre neamh-mhótair, amhail coisithe, rothaithe agus daoine faoi mhíchumas nó a bhfuil a soghluaisteacht laghdaithe agus treoshuíomh) agus feithiclí;
• teorainn luais 20 km/h a fhorchur ar Shráid an Droichid agus ar Lána Keogh idir carrchlós KCAT agus Sráid an Droichid
• an treo sreafa d'fheithiclí ar Lána an Fhrathaigh a aisiompú;
• leithead an charrbhealaigh ar Lána an Fhraoigh a laghdú agus dromchla coincréite a sholáthar ar Lána an Fhraoigh le bheith roinnte ag úsáideoirí soghonta bóithre;
• leithead carrbhealaí a laghdú agus áiseanna trasnaithe a sholáthar d’úsáideoirí soghonta bóithre ag acomhal na Sráide Thiar/Sráid an Droichid/Sráid an Mhuilinn, ag acomhal Shráid an Droichid Íochtarach/Lána an Fhraoigh agus ag acomhal Lána an Fhrathaigh / Glas na nGabhar;
• rochtain chuí a chothabháil do gach réadmhaoin ar Shráid an Droichid;
• cuma Shráid an Droichid a fheabhsú trí soilsiú a fheabhsú, seirbhísí a chur faoin talamh nuair is féidir, tírdhreachtú agus troscán sráide a shuiteáil.

Tá an láithreán suite laistigh de ACA (Ceantar Caomhnaithe Ailtireachta) agus tá struchtúir chosanta in aice leis an Láithreán. Tá an láithreán laistigh de limistéar a bhfuil tábhacht Seandálaíochta ag baint leis freisin.

Beidh pleananna agus sonraí na forbartha a bheartaítear ar fáil lena scrúdú ó Dé hAoine an 24 Meitheamh 2022 chun Dé hAoine an 22 Iúil 2022 go huile, sna hoifigí seo a leanas de chuid Chomhairle Contae Chill Chainnigh:

 

Comhairle Contae Chill Chainnigh, Ó 9am go 1pm & 2pm go 4pm

Foirgnimh an Chontae, Luan go hAoine (Seachas Laethanta Saoire Poiblí)

Sráid Eoin,

Cathair Chill Chainnigh.

 

Comhairle Contae Chill Chainnigh, Ó 9am go 1pm & 2pm go 4pm

Oifig Ceantair Challainn, Luan go hAoine (Seachas Laethanta Saoire Poiblí)

Prologue,

Callan

Co. Chill Chainnigh.

 

Is féidir sonraí na forbartha a bheartaítear a fheiceáil ar an suíomh seo agus ag comhairligh.kilkennycoco.ie

Is féidir aighneachtaí nó tuairimí maidir leis an bhforbairt bheartaithe, a phléann le pleanáil chuí agus forbairt inbhuanaithe an cheantair ina ndéanfar an fhorbairt, a dhéanamh ar líne ag https://consult.kilkenny.ie/, i scríbhinn chuig an gComhairle. An Rannóg Pleanála, Comhairle Contae Chill Chainnigh, Halla an Chontae, Sráid Eoin, Cill Chainnigh nó seolta chuig an seoladh ríomhphoist seo a leanas callanareaoffice@kilkennycoco.ie. Is é an t-am agus an dáta is déanaí chun aighneachtaí a fháil faoin bhforbairt ná 4.00pm Dé Luain an 8 Lúnasa 2022. Ba cheart aighneachtaí a bheith marcáilte go soiléir “Scéim Taistil Gníomhach Shráid an Droichid agus Lána an Fhrathaigh Callainn – Aighneacht Phleanála"

De réir cheanglais Airteagal 120(1)(a) de na Rialacháin um Pleanáil agus Forbairt 2001 (arna leasú) tá réamhscrúdú déanta ar nádúr, méid agus suíomh na forbartha a bheartaítear. Baineadh de thátal as an réamhscrúdú seo nach bhfuil fíordhóchúlacht ann go mbeidh tionchar suntasach ar an gcomhshaol ag eascairt as an bhforbairt a bheartaítear agus tá cinneadh déanta nach bhfuil gá le Measúnacht Tionchair Timpeallachta (MTT).

De réir Airteagal 120(3) i gcás ina measann duine ar bith gur dócha go mbeadh éifeachtaí suntasacha ag an bhforbairt a bheartaítear a dhéanamh ar an gcomhshaol, féadfaidh sé nó sí, tráth ar bith roimh dheireadh 4 seachtaine dar tosach dáta an. foilsiú an fhógra seo iarratas a dhéanamh chuig an mBord Pleanála le haghaidh cinnidh scagtha i dtaobh an dóigh go mbeadh tionchar suntasach ag an bhforbairt ar an gcomhshaol.

 

An tUasal Tim Butler,

Stiúrthóir Seirbhísí,

Comhairle Contae Chill Chainnigh, Sráid Eoin, Cill Chainnigh.