Creat le haghaidh Freagra Tacaíochta Pobail na nÚdarás Áitiúil

Coronavirus COVID-19 Comhairle Sláinte Poiblí

D'ullmhaigh an earnáil rialtais áitiúil an Creat seo ag obair leis an Roinn Tithíochta, Pleanála agus Rialtais Áitiúil; an Roinn Forbartha Tuaithe agus Pobail; an Roinn Sláinte; agus, Roinn an Taoisigh.

Soláthraíonn sé teimpléad náisiúnta le haghaidh socruithe atá le cur i bhfeidhm i ngach limistéar údaráis áitiúil chun a chinntiú go dtugtar tacaíocht chuí do gach ball soghonta dár bpobail agus muid ag dul tríd na chéad chéimeanna eile den fhreagairt ar COVID-19.

Maidir leis an bhFóram

Déanfaidh an Príomhfheidhmeannach i ngach údarás áitiúil cathaoirleacht agus comhordú ar an bhFóram agus áirítear na baill seo a leanas:

- Feidhmeannacht na Seirbhíse Sláinte (FSS)

- Foireann údaráis áitiúil lena n-áirítear: Roinn Pobail Sinsearach agus Cathaoirleach na Comhairle Contae

- Curadh Pobail - nasctha le heagraíochtaí pobail náisiúnta

- An Post
- Seirbhís Leasa Pobail
- An Garda Slochana
- Tusla
- Ionad Oibrithe Deonacha Áitiúil
- Cuideachtaí Forbartha Áitiúla
- Ord Mhálta
- Cosaint Shibhialta
- CLG.
- Cumann Feirmeoirí na hÉireann (IFA)
- Líonra Rannpháirtíochta an Phobail
- Líonra Aoisbhách
- Nasc Áitiúil
- Faisnéis na saoránach
- Aonair
- Reiligiúnach

Tiocfaidh an Fóram le chéile de réir mar is gá. Déanfar gach cruinniú a thionól agus a oibriú de réir na Foirne Náisiúnta Éigeandála Sláinte Poiblí (NPHET) is déanaí agus comhairle sláinte poiblí FSS, lena n-áirítear treoir maidir le fadú sóisialta. Ba cheart an teicneolaíocht a úsáid chun tacú le próisis tacaíochta pobail

Aidhm an Fhóraim

Is é cuspóir an Fhóraim ná a bheith i gceannas ar chomhordú tacaíochtaí pobail agus athléimneacht COVID-19, lena n-áirítear:

- Oibriú le FSS, An Post, grúpaí pobail áitiúla agus seirbhís Oifige Leasa Pobail áitiúil chun grúpaí agus daoine aonair leochaileacha i ngach limistéar údaráis áitiúil a aithint;
- A chinntiú go seachadtar tacaíochtaí cúram sóisialta spriocdhírithe agus cúnamh do na grúpaí agus na daoine aonair leochaileacha sin;
- Saincheisteanna a thagann chun cinn a aithint tríd an gComhairle Daoine Scothaosta, PPNanna, grúpaí pobail agus glaonna ar línte cabhrach;
- Cúnamh a sholáthar do dhaoine aonair leochaileacha ina n-aonar;
- Athléimneacht na seirbhísí pobail atá ann cheana a chinntiú;
- Tairiscintí cúnaimh ó fhiontair/gnóthais go ginearálta a thapú; agus,
- Faisnéis a bhailiú agus a mhapáil ar sheirbhísí agus ar ghrúpaí deonacha ar fud na tíre chun cabhrú le hiarratais ar chúnamh a dhíriú agus bearnaí sa tseirbhís a aithint.