Bearta Nua Sláinte Poiblí COVID-19 (27 Márta 2020)
liosta iomlán de bhearta sláinte poiblí
Bearta Nua Sláinte Poiblí chun leathadh breise COVID-19 a chosc
Foilsithe: 28 2020 Márta
Ó: An Roinn Sláinte agus Roinn an Taoisigh
- Sláinte Pobail
- Seirbhísí riachtanacha
- Breithnithe sláinte
- Iompar agus Taisteal
- Reachtaíocht agus Rialachán
Tá na bearta seo i bhfeidhm ó mheán oíche Dé hAoine 27 Márta go dtí Dé Domhnaigh 12 Aibreán.
Sláinte Pobail
Fan sa bhaile i ngach cás, ach amháin sna cásanna seo a leanas:
- chun taisteal chuig agus ón obair nuair a mheastar an obair a bheith ina seirbhís riachtanach. Foilseofar liosta iomlán na n-oibrithe riachtanacha chomh luath agus is féidir amárach (Dé Sathairn). Idir an dá linn, tá comhairle an rialtais do ghnólachtaí agus do sheirbhísí a mheasann gur seirbhís riachtanach iad, ná fanacht oscailte, go dtí go bhfoilseofar an liosta.
- freastal ar choinní leighis agus cógais agus táirgí sláinte eile a bhailiú duit féin, do do theaghlach nó do dhuine leochaileach nó cocún.
- ar chúiseanna ríthábhachtacha teaghlaigh lena n-áirítear cúram a thabhairt do leanaí, do dhaoine scothaosta nó do dhaoine leochaileacha ach gan cuairteanna teaghlaigh sóisialta a áireamh
- cleachtadh coirp achomair aonair a dhéanamh laistigh de do cheantar féin, lena bhféadfaí leanaí ó do theaghlach laistigh de 2 chiliméadar ó do theach a áireamh agus cloí le bearta diana 2 mhéadar fadaithe sóisialta
- ní féidir leat cruinniú a shocrú le haon duine nach bhfuil tú i do chónaí leo
- Cócúnáil a thabhairt isteach dóibh siúd atá os cionn 70 bliain d’aois agus dóibh siúd atá an-leochaileach ó thaobh leighis de do COVID-19
Seirbhísí riachtanacha
- ní mór do gach duine atá in ann oibriú ón mbaile oibriú ón mbaile. Áirítear leis seo oibrithe riachtanacha agus oibrithe i bhfeidhmeanna riachtanacha rialtais, fóntais nó feidhmeanna eile.
- tá ionaid oideachais phobail do dhaoine fásta agus ionaid phobail áitiúla dúnta
- ba cheart go gcinnteodh gach seirbhís riachtanach go bhfuil dálaí oibre sábháilte i bhfeidhm
- beidh comhairle faoi leith ar fáil ó na An tÚdarás Sláinte agus Sábháilteachta
Breithnithe sláinte
- cuirtear gach máinliacht neamhriachtanach, gnáthamh sláinte agus seirbhís sláinte neamhriachtanach eile ar athló
- stoptar gach cuairt ar ospidéil, ionaid chúram sláinte cónaithe, suíomhanna cónaithe eile agus príosúin le díolúintí sonracha ar fhorais atruacha
- beidh cead de réir dlí ag cógaiseoirí cógais a dháileadh lasmuigh de na dátaí atá leagtha amach sna oidis de réir a mbreithiúnais ghairmiúil féin
- iarrfar ar mhonaróirí a n-acmhainn déantúsaíochta a oiriúnú chun trealamh cosanta pearsanta (TCP), trealamh, maisc agus táirgí riachtanacha eile a tháirgeadh don mhargadh náisiúnta, lena n-áirítear glóthacha láimhe agus cógais agus táirgí riachtanacha eile ag cógaslanna.
Iompar agus Taisteal
Cuirfear srianta taistil i bhfeidhm mar seo a leanas
- beidh srian ar fud na tíre ar thaisteal lasmuigh de 2 ciliméadar ó d’áit chónaithe (seachas na srianta atá liostaithe thuas.
- beidh iompar poiblí agus taisteal paisinéirí teoranta d'oibrithe riachtanacha
- tá taisteal go hoileáin amach ón gcósta in Éirinn teoranta do chónaitheoirí na n-oileán sin amháin
- Déanfaidh údaráis áitiúla dlíthe páirceála ar an tsráid a mhaolú chun freastal ar riachtanais taistil oibrithe riachtanacha
- tá cosc ar shoithí fóillíochta muirí pearsanta neamhnáisiúnta a theacht (seachas eisceachtaí mar 'calafort i stoirm')
Reachtaíocht agus Rialachán
léireofar an beart thuas sna rialacháin a dhéanfar faoin Acht Sláinte (Caomhnú agus Cosaint agus Bearta Éigeandála Eile ar Mhaithe le Leas an Phobail) 2000 agus a fhorfheidhmeoidh an Garda Síochána.