Agus an séasúr snámha ag tosú, tá Seirbhísí Garda Tarrthála á gcur ar fáil ag Foireann Garda Tarrthála Chomhairle Contae Chill Chainnigh arís i mbliana agus tá ár nGardaí Tarrthála ag ullmhú chun maoirseacht a dhéanamh ar shábháilteacht an phobail ag na limistéir snámha traidisiúnta ar fud an Chontae ag tosú Dé Sathairn 6 Meitheamh.

Beidh gardaí tarrthála ar fáil sna ceantair seo le haghaidh míonna an tsamhraidh. Rinneadh measúnuithe riosca i gcomhar le Sábháilteacht Uisce Chill Chainnigh do gach láithreán agus tugadh aghaidh ar na moltaí a d'eascair as sin.

Mar fhreagra ar phaindéim Covid-19, déanfar snámh sna limistéir seo agus soláthar na seirbhíse Garda Tarrthála de réir na comhairle náisiúnta sláinte poiblí. Tá polasaí “Snámh agus Téigh” á chur chun cinn againn an samhradh seo chun cruinnithe móra daoine inár limistéir snámha a sheachaint.

“Mar is amhlaidh le gach Séasúr Samhraidh eile, beidh ár seirbhís garda tarrthála i bhfeidhm. Cé go ndéanaimid mar Chomhairle sábháilteacht uisce a chur chun cinn go dian gach bliain, i mbliana táimid ag iarraidh ar bhaill den phobal cloí le treoirlínte an rialtais maidir le béasaíocht sláinteachais agus sóisialta. Bígí slán sábháilte trí Threoirlínte FSS a leanúint agus meas a léiriú ar an uisce," a deir Cathaoirleach Chomhairle Contae Chill Chainnigh, an Comh. Peadar ‘Chap’ Cleere.

Beidh gardaí tarrthála ar dualgas ag na cúig shuíomh ag na hamanna atá liostaithe thíos, ar an Satharn agus ar an Domhnach i rith mhí an Mheithimh agus 7 lá na seachtaine le linn mhí Iúil agus Lúnasa:

- Na Meadows, Cathair Chill Chainnigh
- An Chora, Bóthar Bleach, Cathair Chill Chainnigh
- Baile Mhic Andáin
- Inis Tíog
- Gráig na Manach

Gardaí tarrthála ar dualgas
Ó: 2.00 pm go 4.30 pm
Agus 5.00 pm go 7.30 pm
Gach lá ó 1 Iúil go 31 Lúnasa
(deireadh seachtaine amháin ón 6 Meitheamh 2020)
END
Is féidir ceisteanna maidir leis an bPreaseisiúint seo a chur chuig Frank Stafford ag frank.stafford@kilkennycoco.ie