Tá bealaí bus KK1 agus KK2 seolta go foirmiúil inniu ag an Údarás Náisiúnta Iompair (NTA) agus ag Comhairle Contae Chill Chainnigh (KCC) i Lár Chathair Chill Chainnigh.
Tá líon beagnach 10,000 paisinéir feicthe ag an dá bhealach, arna n-oibriú ag City Direct agus arna maoiniú go hiomlán ag an NTA, ó cuireadh tús leis an tseirbhís ar an 18 Nollaig 2019, agus tá freagairt thar a bheith dearfach i measc na gcónaitheoirí.

Nuair a tugadh isteach an chéad bhealach bus de stíl uirbeach Chill Chainnigh, tá comaitéirí, mic léinn, teaghlaigh, cuairteoirí agus daoine scothaosta in ann leas a bhaint as rogha iompair a chlúdaíonn lár na cathrach ar fad thar 64 stad san iomlán. Soláthraíonn Bealaí KK1 agus KK2 rogha eile atá neamhdhíobhálach don chomhshaol seachas úsáid ghluaisteáin phearsanta do mhuintir Chill Chainnigh.

Labhair Anne Graham, Príomhoifigeach Feidhmiúcháin an NTA, ag an seoladh inniu agus dúirt: “Tá lúcháir ar an NTA bealaí KK1 agus KK2 a sheoladh go hoifigiúil anseo i gCill Chainnigh i gcomhpháirtíocht le City Direct agus Comhairle Contae Chill Chainnigh. De réir mar a fhásann cathair Chill Chainnigh ó thaobh méide agus scála de, beidh a nascacht ag méadú freisin. Tá Bealaí KK1 agus KK2 ag soláthar seirbhísí iompair phoiblí iontaofa, inrochtana do chónaitheoirí Chill Chainnigh anois, agus tá an cumas ag na bealaí fás agus forbairt de réir mar a mhéadaíonn líon na bpaisinéirí agus de réir mar a fhreagraíonn baill den phobal áitiúil go dearfach, rud atá déanta acu le mí anuas. Tá bród orm ionadaíocht a dhéanamh ar an NTA inniu anseo i gCill Chainnigh, agus táim ag tnúth leis na feabhsuithe a thabharfaidh na bealaí seo do shaoránaigh agus do chuairteoirí na cathrach.."

Dúirt Cathaoirleach Chomhairle Contae Chill Chainnigh, Peter “Chap” Cleere: “Is mór an pléisiúr dom fáilte a chur roimh chách anseo inniu chuig an seoladh oifigiúil de Sheirbhís nua Bus Chathair Chill Chainnigh. D’oibrigh an Chomhairle i ndlúth-chomhpháirtíocht leis an Údarás Náisiúnta Iompair le roinnt blianta anuas agus leanfaidh sí ar aghaidh ag cur comhairle agus tacaíochta ar fáil don tseirbhís seo lena chinntiú go n-éireoidh léi. I gcás go leor acu, cuireann an tseirbhís bus nua rogha inmharthana ar fáil seachas úsáid a bhaint as gluaisteáin phríobháideacha le tairbhí comhshaoil, eacnamaíocha agus sóisialta do Chathair Chill Chainnigh. Bhí an t-aiseolas ó thiománaithe bus ar an tseirbhís go dtí seo an-dearfach. Fáiltítear roimh seo mar go bhfuil na tiománaithe bus bunúsach do rathúlacht na scéime, agus go héifeachtach is ambasadóirí iad dár gCathair.. "

Téann Bealach KK1 ó Pháirc Mhiondíola Loch Buí go Timpeallán an N77 agus freastalaíonn sé ar Shráid Phádraig Uachtarach, ar Acomhal Mhic Dhonncha, agus ar Bhóthar Chaisleán an Chomair. Téann Bealach KK2 ó Purcellsinch go hOspidéal Naomh Lúcás le stadanna ag Bóthar Bhaile Átha Cliath, Ionad Siopadóireachta na Páirce Nua, Stáisiún McDonagh, Páirc Uí Nualláin, agus Loreto.
Na bealaí trí lár na cathrach, ag freastal ar Shráid na Parlaiminte, Clós an Mhargaidh agus Sráid Eoin Uachtarach. Feidhmíonn gach bealach gach 30 nóiméad ó Luan go Satharn. Feidhmíonn seirbhísí ar an Domhnach de réir na huaire, le seirbhísí gach leath uair an chloig le linn croíchuid an lae. Feidhmíonn seirbhísí déanacha oícheanta Dé hAoine agus Dé Sathairn.
Don chéad trí mhí den oibríocht, tá táille bolscaireachta Leap de €1 i bhfeidhm agus moltar do phaisinéirí cuairt a thabhairt ar an siopa pop-up ag 76/77 Sráid Eoin chun a gcárta Leap féin a fháil. Scaipfear léarscáileanna agus faisnéis do phaisinéirí go háitiúil, agus beidh amchláir ar fáil ar ár láithreán gréasáin agus an Pleanálaí Turais TFI.