Tá feachtas náisiúnta fógraíochta nua ag iarraidh ar gach duine breathnú níos géire ar a bhfuil le tairiscint ag leabharlann an údaráis áitiúil.
Tá Seirbhís Leabharlainne Chomhairle Contae Chill Chainnigh agus gach leabharlann agus Comhairlí Contae ar fud na tíre páirteach san fheachtas, a bheidh ar siúl ar feadh na gceithre seachtaine amach romhainn trasna raidió, pictiúrlann, teilifís ar éileamh, digiteach agus sóisialta.

Tá sé mar aidhm ag an bhfeachtas daoine de gach aois a spreagadh le bheith páirteach sa leabharlann agus é a úsáid.
Ag labhairt dó faoin bhfeachtas, dúirt Leabharlannaí an Chontae, Josephine Coyne, “Tá a fhios ag daoine a úsáideann an leabharlann go rialta cé chomh iontach agus atá sé.
"Ba mhaith linn go ndéanfadh gach duine breathnú níos dlúithe ar a leabharlann, féachaint níos faide ná mar a cheap siad a bhí ann, agus fáil amach faoi na seirbhísí iontacha ar fad a chuirimid ar fáil - go hiomlán saor in aisce."
Glacann Leabharlanna agus Leabharlannaithe na príomhróil san fheachtas; is fíor-leabharlanna na leabharlanna sna fógraí agus is fíor-leabharlanna iad na daoine san fhógra - féach an féidir leat ceann ar bith atá ar eolas agat a fheiceáil!
Is é Aonad Forbartha Leabharlann an GBRÁ a cheap an feachtas ‘Take a Closer Look’ le tacaíocht ón Roinn Forbartha Tuaithe agus Pobail. Is cuid de straitéis náisiúnta níos leithne é úsáid leabharlainne a mhéadú in Éirinn.
Faoi láthair, tá timpeall 16% de dhaonra na hÉireann ina mbaill den leabharlann. Tá sé mar aidhm ag an straitéis ‘Ár Leabharlanna Poiblí’ é sin a mhéadú go 30% faoi 2022.
Breathnaigh ar an bhfógra ‘Take a Closer Look’ ag https://www.youtube.com/watch?v=-ZOvJVnHhY0