Plean Áitiúil Eacnamaíoch agus Pobail

Plean Áitiúil Eacnamaíoch agus Pobail 2016 - 2021

Tá Plean Áitiúil Eacnamaíoch agus Pobail (LECP) don chontae ullmhaithe ag Comhairle Contae Chill Chainnigh agus ag an gCoiste Áitiúil Forbartha Pobail (LCDC) don chontae a sheol an tAire Ann Phelan Dé hAoine 12 Feabhra, 2015.

Soláthraíonn an PÁEP treochlár d’fhorbairt ár gcontae go dtí 2021. Ar cheann de phríomhchuspóirí an PÁEP tá comhordú éifeachtach na gclár maoinithe go poiblí a chinntiú. Mar phlean reachtúil, soláthróidh an PÁEP treoirphlean do mhaoiniú forbartha áitiúla agus pobail a infheisteofar i gContae Chill Chainnigh thar na 6 bliana amach romhainn. Áirítear leis seo cláir mar an Clár um Chuimsiú Sóisialta agus Gníomhachtú Pobail, nó SICAP, agus an clár forbartha tuaithe LEADER.

Is fíor-chomhoibriú é próiseas forbartha an phlean idir gníomhaireachtaí reachtúla, eagraíochtaí forbartha áitiúla, ionadaithe tofa, daoine áitiúla, gnólachtaí agus pobail. Mar sin cuireann cur i bhfeidhm an phlean deis uathúil ar fáil le haghaidh smaointeoireacht agus comhoibriú comhleanúnach.

Cé gur Plean comhtháite é, cuimsíonn an PÁEP 2 eilimint ar leith. D’ullmhaigh an Coiste Forbartha Pobail Áitiúil, nó an LCDC, gnéithe forbartha pobail áitiúla an Phlean agus tá sé freagrach as iad a chur i bhfeidhm; agus Coiste Beartais Straitéisigh, nó SPC, um Fhorbairt Eacnamaíochta Chomhairle Contae Chill Chainnigh ullmhaithe agus freagrach as gnéithe forbartha geilleagracha an phlean a chur i bhfeidhm. Forbraíodh an dá eilimint i dteannta a chéile agus cuireadh le chéile iad sa PÁEP deiridh.

Féach ar an bPlean Áitiúil Eacnamaíoch agus Pobail anseo

Féach ar bhileog an Phlean Pobail anseo